Алматыда құрылыс краны құлап, бір адам жансақтау бөліміне түсті

Алматыда құрылыс краны құлап, салдарынан бір адам жансақтау бөліміне түсті, деп хабарлайды Sadaq.kz.

Апат 8 қыркүйек күні таңғы сағат 6:00 шамасында Шығыс айналма жолында, Нұрмағамбетов көшесіне жетпей болған.

Куәгерлердің айтуынша, МАЗ автокраны құрылыс алаңына жүк көтеру жұмыстарын жүргізу үшін келген. Көлік нысан аумағында тоқтаған кезде оның ішінде екі адам болған. Екеуі де кабинадан түсіп, жұмыстың басталғанша шылым шегіп тұрған.

Кенет автокран өздігінен төмен қарай қозғалып кеткен. Жүргізуші мен оның серігі көлікті тоқтатуға әрекет жасап, кабинаға қайта мінбек болған. Алайда олар техниканы тоқтата алмаған. Ер адамдардың бірі автокраннан соңына дейін ұстап тұрып, көлікпен бірге таудан құлаған.

Оқиға салдарынан бір адам зардап шекті. Куәгерлер оның автокран жүргізушісі екенін айтқан. Алдын ала мәлімет бойынша, ер адам аяғын сындырып алған. Ол медициналық көмек көрсету үшін ауруханаға жеткізілді. 

Қазір оқиғаның мән-жайын анықтау үшін полиция тергеу жүргізіп жатыр.