Алматыда тамақтан уланған 58 оқушы ауруханадан шықты
Оқиғадан кейін мектепте тексеру басталып, оқушылар қашықтан оқыту форматына көшірілді.
Алматыда ішек инфекциясымен ауруханаға түскен РФМШ оқушылары үйіне шығарылды, деп хабарлайды Sadaq.kz.
Балалар қалалық клиникалық жұқпалы аурулар ауруханасына жатқызылған Республикалық физика-математика мектебінің оқушылары ем қабылдап шықты.
"2026 жылғы 12 қазаннан бастап стационарға 58 бала жатқызылды. Дәрігерлер оларға қажетті медициналық көмек көрсетіп, клиникалық хаттамаларға сәйкес ем жүргізді", - деді ведомстводағылар.
Естеріңізге салаа кетейік, бұған дейін Алматыдағы Республикалық физика-математика мектебінің ондаған оқушысы жедел ішек инфекциясы белгілерімен ауруханаға түскені туралы жазған едік. Бұдан кейін мектепте тексеріс басталды.
Еске салайық, 12–14 қазан аралығында РФММ-нің 47 оқушысы ауруханаға түскені хабарланған еді. Кейіннен олардың саны тағы артты.
Оқиғадан кейін мектепте тексеру басталып, оқушылар қашықтан оқыту форматына көшірілді. Сондай-ақ Денсаулық сақтау министрлігі білім беру ұйымында анықталған заңбұзушылықтар туралы мәлімдеді.
