«Бақташы өзі ұрлаған»: Жетісу облысында 46 млн теңгенің мал ұрлығы әшкереленді
Ескелді ауданының тұрғыны полицияға жайылымнан 81 бас асыл тұқымды ірі қарасының 39-ы қайтарылмағанын айтып, шағым түсірді, деп хабарлайды Sadaq.kz.
Келтірілген материалдық шығын – 46 миллион теңгені құрайды.
Арыз түскен бойда полиция қызметкерлері бірден жедел-іздестіру шараларына кірісті. Сотқа дейінгі тергеп-тексеру барысында болған жағдайдың мән-жайы белгілі болды.
Малды 17 жыл бойы бағып келген 45 жастағы бақташы күдікке ілінді. Жедел-тергеу әрекеттерінің нәтижесінде аталған азаматтың қылмысқа қатысы бары анықталды. Күдікті ұсталып, қамауға алынды. Қазіргі уақытта іс бойынша тергеу амалдары жүргізілуде. Барлық мал өз иесіне қайтарылды.
Сіздің реакцияңыз қандай?
Ұнады
0
Ұнамады
0
Керемет
0
Күлкілі
0
Сұмдық
0
Қайғылы
0
Жарайсың
0
