Ақтөбе облысының бұрынғы әкімі Оңдасын Оразалинге жаңа қызмет бұйырды
Ақтөбе облысының бұрынғы әкімі Оңдасын Оразалин "ҚМК Мұнай" АҚ директорлар кеңесінің құрамына кірді. Бұл туралы sadaq.kz Қазақстан қор брижасына сілтеме жасап хабарлайды.
KASE-тің ресми сайтындағы мәліметке сүйенсек, мұндай шешім 2025 жылғы 24 қаңтарда "ҚМК Мұнай" АҚ акционерлерінің жалпы жиналысында қабылданған. Директорлар кеңесінің құрамына мынадай өзгерістер енгізілген: кеңестің құрамынан Құрманғазин Е.А. шығарылған, Оңдасын Сейілұлы Оразалин сайланған.
"Енгізілген өзгерістерді ескере отырып, "ҚМК Мұнай" АҚ директорлар кеңесі тоғыз адамнан тұрады", - делінген хабарламада.
Айта кетейік, Оңдасын Оразалин 2019 жылғы ақпаннан 2022 жылғы тамызға дейін Ақтөбе облысын басқарды. Оған дейін 2017 - 2019 жылдары Қазақстан Республикасы Президенті әкімшілігі басшысының орынбасары болды.
Сіздің реакцияңыз қандай?
Ұнады
0
Ұнамады
0
Керемет
0
Күлкілі
0
Сұмдық
0
Қайғылы
0
Жарайсың
0
