Астанада Крещение мерекесіне орай ұйымдастырылған жаппай шомылу рәсіміне жүздеген адам қатысуда

18 қаңтардан 19-ына қараған түні Астанада православ христиандарының басты діни мерекелерінің бірі — «Крещение Господне» рәсімі басталды. Қала әкімдігінің хабарлауынша, жүздеген тұрғын мен қала қонақтары дәстүрлі шомылу рәсіміне қатысу үшін Есіл өзенінің жағалауына жаппай жиналған.

Жаппай шомылуға арналған 4 арнайы мұз ойығы (купель) «Астаналық» саябағының жағажайында, амфитеатр маңында жабдықталды. Қатысушылардың ыңғайы үшін аумақ жарықтандырылып, жылыну пункттері мен қауіпсіз баспалдақтар орнатылған. Бұл орындар бүгін, 19 қаңтар күні сағат 23:00-ге дейін жұмыс істейді.

Төтенше жағдайлар департаменті мен полиция қызметкерлері оқиға орнында тәулік бойы кезекшілік атқарып, қауіпсіздікті жіті қадағалауда. Мамандар мұздай суға түсер алдында денені қыздырып алуды, тайғақ емес аяқ киім пайдалануды және судан шыққан соң бірден ыстық шай ішуді қатаң ұсынады.

Сондай-ақ, құтқарушылар кішкентай балалар мен қарт адамдарды ерекше бақылауда ұстау қажеттігін ескертті. Айта кетейік, суға түсу тек арнайы жабдықталған орындарда ғана рұқсат етіледі.