Берденовті атып кетті: Шымкент полициясы мәлімдеме жасады

Шымкент қаласы әкімдігі ғимаратының жанында атыс оқиғасы болды. Осыған байланысты қалалық полиция департаменті мәлімдеме жасады, деп хабарлайды Sadaq.kz.

«Оқиға салдарынан әкімдік қызметкері жарақат алып, ауруханаға жеткізілді. Қазіргі уақытта оған қажетті медициналық көмек көрсетілуде. Аталған қылмысты жасаған күдікті ұсталып, уақытша ұстау изоляторына қамалды.

Аталған факті бойынша қылмыстық іс қозғалды. Оқиғаның барлық мән-жайы тергеу барысында анықталады. Тергеу мүддесіне байланысты өзге ақпарат жария етілмейді», - делінген хабарламада.