Қазақтың тазысын патенттеп алған: сот қандай шешім шығарды

Астана соты қазақ тазы ит тұқымына жеке тұлғаға берілген патенттің күшін жойды.

2024 жылдың 30 желтоқсанында Зияткерлік меншік институты жеке тұлғаға "Қазақтың тазы ит тұқымы" селекциялық жетістігіне патент берген.

Алайда тазы Қазақстанға халықаралық деңгейде ресми танылған және бекітілген ежелгі қазақ ит тұқымы.

2023 жылы кинологтар одағының өтініші негізінде жүргізілген зерттеудің (соның ішінде медициналық, генетикалық) нәтижелері бойынша FCI халықаралық кинологиялық федерация оң қорытынды шығарып, соның негізінде FCI-дің бас комитеті "Қазақтың тазы тұқымын" тану туралы шешім қабылдап, Қазақстан тазының шыққан елі ретінде ресми түрде бекіткен.

"Патент басқа ит өсірушілерді шектей отырып, өсіру, сату және экспортқа монополия берді. Бұл тұқымның дамуына кедергі келтірді және жануарлар әлемі туралы заңға қайшы келді", - делінген хабарламада.

"Қазақ тазысы" жаңа тұқым емес, себебі ол жаңа нәрселердің шарттарына сай келмейді, сонымен қатар жауапкерге дербес ежелгі қазақ тұқымы ретінде патент берілмес бұрын заңды түрде бекітілген.

Сот шешімімен патент жарамсыз деп танылды. Патент иесі шағым түсірді, бірақ сот құжатты жарамсыз деп тапты.