«Ол ренжіді»: Әзілкеш 8 наурызға әйеліне зираттан орын сыйлады

Ресейлік танымал музыкант, шоумен Стас Барецкий 8 наурыз мейрамында әйеліне қайтыс болғанында жерлену үшін зираттан орын сыйлады, деп жазады Azattyq Rýhy.

Шоуменнің айтуынша, ол нәзікжандыларға көптен бері парфюм сыйламаған. Оның орнына пайдалы сыйлықтар бергенді жөн көреді. Мысалы, әртіс бір кездері құрбысына себетке немесе вазаға емес, унитазға салынған гүлдер сыйлағанын айтты.

«Страсти» басылымының мәліметінше, жақында Барецкий сүйіктісіне тағы бір ерекше сыйлық сыйлағаны анықталды.

«Айтпақшы, өткен жылы сүйіктіме 8 наурызға зираттан жер телімін сыйладым, өйткені мен – Кәсіби жерлеу агенттері одағының президентімін. Ондай сыйлық алуға мүмкіндігім бар. Басында ол маған ренжіген, бірақ ол әзілді жақсы көретін қыз болғандықтан сыйлығымды қабыл алды. Мен оған алдымен жылжымайтын мүлік сияқты жер телімдері де үнемі қымбаттап жатқанын түсіндірдім. Екіншіден, оны қажет болса, жылжымайтын мүлік сияқты сатуға болады», - деп мойындады шоумен.

Айта кетейік, ол 2005 жылдан 2008 жылға дейін «Ленинград» тобының құрамында өнер көрсеткен.