«Өлтірем деп ойламадым»: сарбазды атқан офицер сотта әке-шешесінен жылап кешірім сұрады
Мен пистолеттің оқталып тұрғанын білмедім, – дейді ол.
Астанадағы әскери сотта 19 жастағы сарбаз Марат Барқұловтың өліміне қатысты сот отырысы бүгін де жалғасты. Мерзімді әскери қызметшіні атып өлтірген офицер Дамир Досовтан жауап алынды, деп хабарлайды Ulysmedia.kz.
«Досов өзіне қылмыстық кодекстің 99-бабы (қасақана өлтіру) тағылғанымен келіспейді. Марат Барқұловты өлтірерлік еш пиғылым болмады дейді. Мен Маратпен де, басқа қатарластарымен де жақсы қарым-қатынаста едім. Бұл абайсызда болды. Мен пистолеттің оқталып тұрғанын білмедім», – дейді ол.
Досовтың сөзінше, оған қаруды зенитті бригаданың штаб бастығы Бағдат Майлиев берген. Қарудың оқталғанын өзінің айтуынша көрмеген.
Қаруға байланысты қандай да бір нұсқаулық болмағаннан кейін оның оқталып тұрған-тұрмағанынан хабарсыз болдым дейді.
Досов сонымен қатар басқа да сарбаздардың бетіне қару төсегенін жоққа шығарды. Палаткада сарбаздарды боқтап, қаруды кезегенін де. Болған оқиғаны “адами фактор” деп атады. Жауап берер кезде жылап, Марат Барқұловтың әке-шешесін кешірім сұрады.
Сіздің реакцияңыз қандай?
