Путин Тоқаев пен Назарбаевқа хат жолдады

Ресей президенті Владимир Путин Қазақстан қазіргі президенті Қасым-Жомарт Тоқаев пен экс-президент Нұрсұлтан Назарбаевқа хат жолдады, деп хабарлайды Orda.kz. 

Владимир Путин бірқатар мемлекеттердің басшыларын рождествомен және келе жатқан жаңа 2025 жылмен құттықтады.

Путин құттықтауын Әзірбайжан президенті Ильхам Әлиевтен бастап, Қытай Халық Республикасының төрағасы Си Цзиньпинге де жолдады. Басқа да құттықтау алғандар қатарында Беларусь президенті Александр Лукашенко, Түркия президенті Режеп Тайып Ердоған, Үндістан премьер-министрі Нарендра Моди, Солтүстік Корея басшысы Ким Чен Ын, Куба президенті Мигель Диас-Канель бар.

Сонымен қатар, құттықтау хаттары Оңтүстік Осетия президенті Алан Гаглоев, Боливия президенті Луис Арсе, Венгрия премьер-министрі Виктор Орбан, Папа Франциск және Оңтүстік Африка президенті Сирил Рамафозаның атына жіберілді.

Владимир Путин бұрынғы мемлекет және үкімет басшыларын да назардан тыс қалдырмады. Нұрсұлтан Назарбаев, Рауль Кастро, Герхард Шрёдер сияқты белгілі тұлғаларға да құттықтау жеделхаттары жолданды.

Cолардың ішінде Қасым-Жомарт Тоқаев пен экс-президент Нұрсұлтан Назарбаев та бар.