Семейде оқушыны ұрып, аузына мүшеқап тыққандардың әке-шешесі ата-ана құқынан айырылды
Қазіргі уақытта іс материалдары сотқа жіберілген.
Семей қаласында 6-сынып оқушысын соққыға жыққан 3 жеткіншектің әке-шешесі ата-аналық құқығынан айырылды.
Облыстық Полиция департаментінің мәліметіне сүйенсек, Семейдегі 6-сынып оқушысын соққыға жығу фактісі бойынша кәмелетке толмағандардың құқығын қорғау жөніндегі комиссияның отырысы өтті.
Қазір кәмелеттік жасқа толмаған балаларға қатысты сотқа дейінгі тергеу амалдары басталды. Оқиғаға қатысушылардың барлығы девиантты мінез-құлықты балаларға арналған мамандандырылған мектепке жіберіледі. Онда олармен психологтар жұмыс істейді. Сондай-ақ жеткіншектер қоғамнан уақытша оқшауланып, олармен түзету жұмыстары жүргізіледі, - дейді департамент бастығының орынбасары
Ернар Базаров. Оның айтуынша, 3 жеткіншектің әке-шешесі ата-аналық құқығынан айырылып, екі балаға қатысты қамқоршылық тоқтатылды.
Ведомство дерегінше, қазіргі уақытта іс материалдары сотқа жіберілген.
Сіздің реакцияңыз қандай?
