Зеленский өзінің отставкаға кетуге дайын екенін мәлімдеді

Украина президенті Владимир Зеленский егер әлем Украинаға бейбітшілік күн болатынына кепілдік берсе, тақтан бас тартуға дайын екенін мәлімдеді.

Бірақ ол үшін елде бейбітшілік орнайтыны және Украинаның НАТО-ға кіруіне кепілдік берілуі тиіс. 

"Егер бұл Украина үшін бейбітшілікті аңғартса, егер сіздерге шынымен қажет болса, мен кетуге дайынмын. Сонымен қатар, мен лауазымымды елімнің НАТО-ға мүшелігіне де айырбастай аламын. Билікте ондаған жылдар бойы отыратын ойым жоқ", – деді Зеленский Киевте өткен баспасөз конференциясында.

Украина көшбасшысы сондай-ақ Вашингтонның сирек кездесетін ресурстар туралы келісімшарт жасасу талаптарын, Киевтің АҚШ-қа 500 млрд доллар эквивалент төлеу міндеттемесіне тоқталды.

«Серіктестеріме деген құрметпен біз 500 млрд доллар қарызды мойындамаймыз, - деп кесіп айтты Зеленский.

Сондай-ақ ол Киевтің деректеріне сәйкес, сөз тек 100 млрд доллар көмек туралы болып отырғанын меңзеді. Одан бөлек, АҚШ-тың бұрынғы президенті Джо Байденмен келісімшартқа сәйкес, Украинаға берілген көмек қарыз емес, грант ретінде жоғарыда аталған мөлшерде ұсынылған.