«Алматы-Өскемен» жолында 18 көлік соқтығысқан жол апаты болды

Оқыс оқиға бүгін, 15 қаңтар күні таңертең сағат 07:30-дар шамасында болды. Көліктердің апатқа ұшырауына «Алматы-Өскемен» автожолының 28 шақырымындағы қалың тұман әсер еткен. 

«Алдын ала белгілі болғаны жол апатына жүргізушілердің айналадағы көрінудің нашарлығынан жылдамдық режимі мен қауіпсіз ара қашықтықты сақтамау себеп болған», деп мәлім етті «ҚазАвтоЖол» АҚ. 

Алты жолақты жол құрғақ болған әрі жолда ешбір кедергі болмаған. 

Жол апатынан ешкім зардап шекпеген. Қазір оқиғаның мән-жайы анықталып жатыр.