Павлодардағы сауда орталықта 4 жасар бала биіктіктен құлап кетті

Әлеуметтік желіде сауда-ойын орталықтарының бірінде жіптерден тартылған лабиринттен 4 жастағы бала құлап, жарақат алғаны туралы ақпарат жарияланды.

– Демалыста балаларым ата-апасымен бірге ойын алаңына барды. Ол жерде кіші ұлым 5-8 метр биіктен құлады. Оның мұрнынан, аузынан қан ағып, қатты қорқып, есеңгіреп қалды. Ортаншы ұлым да құлай жаздады, алайда оның аяғы оралып қалды, – деп жазды зардап шеккен баланың анасы.

Облыстық полиция департаменті аталмыш факті бойынша тергеу жүргізіп жатыр.

– Жарақат алған кәмелетке толмаған бала ауруханаға жатқызылды. Осыған байланысты емделгеннен кейін ауру анамнезі негізінде сот-медициналық сараптама тағайындалады, оның нәтижелері бойынша процестік шешім қабылданады, – деді департаментте.

Сондай-ақ, тексеру шеңберінде жауапты тұлғалардың іс-әрекеттеріне құқықтық баға берілетін болады.

Жедел жәрдем станциясы баспасөз қызметінің мәліметінше, оқиға 12 қаңтар күні сағат 13:16-да болды. Төрт жастағы бала мидың шайқалуы диагнозымен облыстық балалар ауруханасының жарақат пунктіне жеткізілді. Кезекші травматологтың қарауы кезінде балада травматикалық зақым анықталған жоқ.

Бала динамикалық бақылау үшін ауруханаға жатқызылды. Бүгінгі таңда оның жағдайы тұрақты. Облыстық бала құқықтары жөніндегі уәкіл Сәуле Шәкенева бұл жағдайды жеке бақылауында ұстайды.