«85 млн теңгеге сатып алған»: Халық Клебановтың еншісінде кеткен «Астана-ЕРЦ»-нің 50% үлесін қайтаруды талап етті

Астана әкімі Жеңіс Қасымбек олигарх Александр Клебановтың «Астана-ЕРЦ» ЖШС-нің 50% мемлекеттік үлесін заңсыз жекешелендіргенін жариялады,-деп жазады Malim.kz.

«Мен «Астана-ЕРЦ»-тің 50% мемлекеттік үлесінің заңсыз жекешелендірілгені туралы өткір мәселе көтергім келеді, бұл жекешелендіру акционерлік қоғамдар және табиғи монополиялар субъектілері туралы қолданыстағы заңнаманы бұза отырып жасалған. Бұл компанияның жылдық айналымы 11 миллиард теңге, ал Клебанов оны 85 миллион теңгеге жекешелендірді. Біз сондықтан кезінде Нұр-Сұлтан қаласының активтер мен мемлекеттік сатып алу басқармасының тапсырмасымен «СПК Астана» акционерлік қоғамының 50% үлесін «Астана-ЕРЦ» ЖШС-нің жарғылық капиталына сату әрекетін заңсыз деп тану үшін прокурорлық акті жіберуді талап етеміз», - деді астаналық тұрғын Қасымбекпен кездесу кезінде.

Сонымен қатар, ол 2020 жылғы 21 желтоқсанда «СПК Астана» акционерлік қоғамы мен Клебанов бақылаудағы «ЦАЭК» акционерлік қоғамы арасында жасалған 50% үлесті сатып алу-сату келісімін заңсыз деп тануды және тараптарды бастапқы жағдайға қайтаруды талап етті.

«2021 жылы 29 желтоқсандағы «ЦАЭК» акционерлік қоғамы мен Caspian Pipe Group арасындағы «Астана-ЕРЦ» ЖШС-нің жарғылық капиталына 50% үлесті сатып алу-сату келісімін заңсыз деп тануды талап етемін», - деді астаналық тұрғын.

Қасымбек бұл өтінішті қарастыруға уәде беріп, ресми жауап беретінін айтты.

Естеріңізге сала кетейік, 2023 жылдың 13 қыркүйегінде «ЦАЭК» акционерлік қоғамының экс-басшысы, белгілі кәсіпкер Еркін Әмірханов агенттікке берген сұхбатында Қазақстан олигархтары Александр Клебанов пен Сергей Канның ТЭЦ, Нұрсұлтан Назарбаевтың жеке ұшақтары, атом кен орындары мен Мұхтар Жәкішевке қатысты схемаларын ашып көрсеткен болатын. Мысалы, Әмірханов Клебанов пен оның бизнес серіктесі, хорват-ресейлік кәсіпкер Василий Анисимовтың «Росатомға» сатылған уран кен орнын тегін алғанын хабарлады. Сондай-ақ, Әмірхановтың айтуынша, Клебанов алғашқы миллиондарын экс-президент Назарбаевтың VIP ұшақтарына жасаған саудадан тапқан. Сонымен қатар, Әмірханов Клебановтың «Эксимбанк» акцияларын ұрлағанын, оны Назарбаев пен бұрынғы ҰҚК басшысы Кәрім Мәсімовтың тапсырмалары бойынша жасағанын айтты.