Шымкентте такси жүргізушісін тырнап, көлігін бүлдіріп кеткен әйелдің үстінен қылмыстық іс қозғалды (ВИДЕО)

Шымкент тұрғыны такси қызметіне көңілі толмай, көліктің терезелерін таспен сындырды, деп хабарлайды Qazaq Today  

Оқиға 3 маусым күні болған. Әлеуметтік желілерде тараған видеода белгісіз әйелдің такси жүргізушісімен жанжалдасып, көліктің артқы және жанындағы терезелерін таспен ұрғаны көрінеді.

Полиция бұл дерек бойынша Қылмыстық кодекстің 202-бабы (бөтеннің мүлкін қасақана бүлдіру) бойынша іс қозғады.

“Күдікті уақытша ұстау изоляторына қамалды. Тергеу жүріп жатыр. Сараптамалар тағайындалды. Нәтижесіне қарай процессуалдық шешім қабылданады” – деп хабарлады Шымкент қалалық полиция департаментінің баспасөз қызметі.