Ресми: Әлімханұлы жеңіліп көрмеген франциялық боксшымен айқасады
Орта салмақта WBO және IBF нұсқасы бойынша әлем чемпионы, қазақстандық кәсіпқой боксшы Жәнібек Әлімханұлының (16-0, 11КО) кезекті қарсыласы ресми түрде белгілі болды.
Top Rank промоутерлік компаниясының хабарлауынша, Жәнібек Әлімханұлы кезекті айқасын Қазақстанда өткізіп, франциялық Анауэль Нгамиссенгуге (14-0, 9КО) қарсы чемпиондық белдіктерін қорғайды.
Айта кетейік, жекпе-жек 5 сәуір күні Астана қаласында өтеді деп жоспарланып отыр.
- Құрметті жанкүйерлер, бұйыртса 5 сәуір Астана қаласында жұдырықтасамыз! Өз елімде, сіздердің алдарыңызда өнер көрсетуді мақсат етіп жүр едім, оған да жеттік! 2 әлем чемпионы титулын қорғаймыз! Qazaq Style-ды ринг қасында, аренада отырып тамашалайсыздар! Жеңісті күнде жүздесейік, - деп жазды Жәнібек әлеуметтік желідегі парақшасында.
