Тамара Дүйсенова отставкаға кетті

Вице-премьер Тамара Дүйсенова қызметінен босатылып, президенттің көмекшісі болып тағайындалды.

Ол бұрынғы атқарған лауазымынан босатылды.

«Мемлекет басшысының Жарлығымен Тамара Босымбекқызы Дүйсенова Қазақстан Республикасы Президентінің көмекшісі болып тағайындалды», - деп хабарлады Ақорда. 

Босаған премьер-министрдің орынбасары лауазымына Ермек Көшербаев тағайындалды. Ол Шығыс Қазақстан облысының әкімі қызметінен босатылды.

«Ермек Беделбайұлы Көшербаев Қазақстан Республикасы Премьер-Министрінің орынбасары болып тағайындалсын, ол бұрынғы атқарған лауазымынан босатылсын», - деп хабарлады Ақорда.