Костенко шахтасындағы 46 кеншінің қазасына қатысты тергеу аяқталды

Бас прокурор Берік Асылов 46 кеншінің өліміне әкелген Костенко көмір шахтасындағы апатты тергеу аяқталғанын мәлімдеді, деп хабарлайды sadaq.kz.

“Бас прокуратураның арнайы прокурорларының басшылығымен ВЖТТ Костенко шахтасындағы 46 кеншінің қазасына қатысты қылмыстық істі тергеуді аяқтады. 10 айыпталушыға қатысты іс тау-кен жұмыстарының қауіпсіздік ережелерін бұзу (қылмыстық кодекстің 277-бабы 3-бөлігі) бойынша сотқа жолданды”, – деп жазба жариялады Берік Асылов.

Бұған дейін Бас прокурордың орынбасары Ғалымжан Қойгелдиев Костенко шахтасындағы апат бойынша 10 адам тергеліп жатқанын айтқан еді.