Рамзан Қадыровтың үлкен ұлына «Шешенстан Батыры» атағы берілді
Шешенстан басшысының үлкен ұлы, республика үкіметі төрағасының орынбасары әрі дене шынықтыру және спорт министрі Ахмат Қадыровқа Шешенстан Батыры атағы берілді, деп хабарлайды sadaq.kz.
Тиісті өкімге 7 тамызда Шешенстан үкіметінің төрағасы Магомед Даудов қол қойған.
"Менің қымбатты інім, Шешенстан Республикасы үкіметі төрағасының орынбасары – Шешенстан Республикасының дене шынықтыру және спорт министрі Ахмат Рамзанұлы Қадыровты жоғары атақ алуымен шын жүректен құттықтаймын", - деп жазды Даудов өзінің Telegram-дағы арнасында.
Ол бұл атақтың берілуін Қадыровтың Шешенстан Республикасы мен оның халқы алдындағы зор еңбегін, сондай-ақ дене шынықтыру мен спортты дамытуға қосқан елеулі үлесін лайықты бағалау екенін атап өтті.
Сіздің реакцияңыз қандай?
Ұнады
0
Ұнамады
0
Керемет
0
Күлкілі
0
Сұмдық
0
Қайғылы
0
Жарайсың
0
