Түркиядағы шипажайда қаза тапқандар саны 76-ға жетті

Түркияның Болу провинциясындағы Карталкая тау-шаңғы шипажайындағы өрт құрбандарының саны 76 адамға жетті, деп хабарлайды BAQ.KZ.

Бұл туралы ІІМ басшысы Әли Ерликая оқиға орнында өткізілген баспасөз мәслихатында мәлімдеді.

Айтуынша, қайғылы жағдайға байланысты 9 адам қолға түскен.

Елдің денсаулық сақтау министрі Кемаль Мемишоглу 51 адамның зардап шеккенін, соның ішінде 1 адам жансақтау бөлімінде жатқанын айтты.

«17 адам ауруханадан шығарылды, қалғандары ауруханада қалып, емделуде. Олардың жағдайы тұрақты. Бір зардап шегушінің жағдайы ауыр», - деді ол.