Бала туу мен күтіміне төленетін жәрдемақы мөлшері өзгерді

Еңбек және халықты әлеуметтік қорғау министрлігі 2025 жылы бала туу мен күтіміне төленетін жәрдемақы мөлшерін жариялады.

Бала тууға арналған біржолғы жәрдемақы мөлшері:

Бірінші, екінші және үшінші балаға: 38 АЕК немесе 149 416 теңге.
Төртінші және одан да көп балаға: 63 АЕК немесе 247 716 теңге.
Бала күтіміне төленетін ай сайынғы жәрдемақы (1,5 жасқа дейін)

Бірінші балаға: 5,76 АЕК немесе 22 648 теңге.
Екінші балаға: 6,81 АЕК немесе 26 777 теңге.
Үшінші балаға: 7,85 АЕК немесе 30 866 теңге.
Төртінші және одан да көп балаға: 8,90 АЕК немесе 34 995 теңге.
Өткен жылы 504,4 мың адам бала туу мен күтіміне байланысты жәрдемақы мен төлемдер алған. Төленген жалпы сома 895,3 млрд теңгені құрады.