«Орыс халқын жақсы көремін»: Трамп Путинге сәлем жолдады

Сәрсенбі күні таңертең АҚШ президенті Дональд Трамп өзінің әлеуметтік желісінде Ресейге арналған пост жариялады. Ақ үй басшысы Ресейге зиян тигізгісі келмейтінін мәлімдеді.

«Мен орыс халқын жақсы көремін және әрқашан президент Путинмен өте жақсы қарым-қатынаста болдым. Тіпті, радикалды солшылдардың «Ресей, Ресей, Ресей» деп ұрандатқанына қарамастан», - деп жазды Трамп.

Тағы оқыңыз: Трамп арнайы өкіліне Украинадағы соғысты 100 күнде аяқтауды тапсырды

Сөз арасында ол егер бұған дейін АҚШ президенті өзі болғанда, Украинадағы қақтығысқа жол бермейтінін тағы бір  атап өтті. Трамп Америка Екінші дүниежүзілік соғыс кезінде Ресейдің 60 миллионға жуық адамын жоғалта отырып, соғысты жеңуге көмектескенін ешқашан ұмытпауы керек деді. Сонымен бірге, Трамп Ресей президентін қарулы қақтығысты тоқтатуға шақырды.

Тағы оқыңыз: «Әлі жарты күн бар»: Трамп Украинадағы соғысты 24 сағатта аяқтауға уәде беруіне қатысты мәлімдеме жасады

«Егер  жақын арада бір мәмілеге келе алмасақ, онда менің Ресейдің Америка Құрама Штаттарына және басқа да қатысушы елдерге сататын барлық тауарына жоғары салық, тарифтер мен санкциялар салудан басқа амалым қалмайды. Бұл қырғынды тоқтатайық. Келісім жасар сәт келді.  ЕНДІ БІР ДЕ БІР ӨМІР ҮЗІЛМЕУІ ТИІС»,-деп түйіндеді ол.