Шахтадағы апат: жеті жұмысшының денесі табылды

Іздестіру-құтқару жұмыстары барысында құтқарушылар тобы «Қазақмыс корпорациясы» ЖШС жеті жұмыскерінің денесін тапты, деп хабарлайды Sadaq.kz.

Олардың жеке басының ақпараты анықталуда. Қазіргі уақытта оқиғаның барлық мән-жайларын анықтау үшін тергеу жүргізілуде. 

«Қайтыс болған жеті жұмысшының денелері жоғарыға көтеріліп, сот-медициналық сараптама жүргізу үшін полиция қызметкерлеріне тапсырылды», - деп жазылған ТЖМ хабарламасында.

Оқиға орнында Қазақстан ТЖМ күштері мен құралдары тобы жұмыс істеуде.

Кеше Ұлытау облысы Жаңаарқа ауданында орналасқан «Қазақмыс корпорациясы» ЖШС-ның «Жомарт» кенішінде апат болған. 

Ресми дерекке қарағанда, шахтада тау жынысы опырылып түскен.