Президенттің АҚШ-қа сапары: Зеленский Тоқаевқа алғыс айтты

БҰҰ Бас Ассамблеясының 80-ші сессиясы алаңында Қасым-Жомарт Тоқаев Владимир Зеленскиймен кездесті, деп хабарлады Ақорданың баспасөз қызметі.
Мемлекеттер басшылары екіжақты экономикалық және гуманитарлық ынтымақтастық мәселелерін талқылады.
Владимир Зеленский Украинадағы жағдайға байланысты көзқарасын жеткізді.
Қазақстан Президенті осынау аса күрделі ахуалға қатысты пікір білдіріп, қақтығысты тоқтату мақсатында дипломатиялық жұмыстарды жалғастыру қажет екеніне назар аударды.
Украина басшысы Владимир Зеленский Мемлекет басшысы Қасым-Жомарт Тоқаевпен кездесуден кейін Қазақстанға алғысын жеткізді. Бұл туралы ол Х әлеуметтік желісіндегі парақшасында жазды.

Оның айтуынша, әңгіме барысында басты назар қауіпсіздіктің сенімді кепілдіктерімен әділ әрі берік бейбітшілікке қол жеткізу мәселесіне аударылды.
Біз Украинаның, АҚШ-тың, Еуропаның және әлемнің басқа серіктестерінің соғысты тоқтату және қантөгісті доғару жөніндегі күш-жігерін егжей-тегжейлі талқыладық. Сондай-ақ сауда-экономикалық ынтымақтастық пен қазақстандық компаниялардың Украинаны қалпына келтіруге қатысуға қызығушылығына тоқталдық, – делінген мәлімдемеде.

I met with President of Kazakhstan @TokayevKZ. The key task now is achieving a just and lasting peace with reliable security guarantees.

We discussed in detail the efforts of Ukraine, the United States, Europe, and other partners around the world to bring this war to an end and… pic.twitter.com/wvi0bF82PU — Volodymyr Zelenskyy / Володимир Зеленський (@ZelenskyyUa) September 22, 2025