АҚШ-тың жартысынан астамын қамтыған алып боран 200 миллион адамның өмірін қиындатып жіберді
АҚШ-тың Нью-Мексико штатынан Жаңа Англия аймағына дейінгі 3 200 шақырым аумақты алып боран жауып тастады. Ұлттық ауа райы қызметі (NWS) бұл жағдайды ел халқының 60%-ына әсер ететін «өте қауіпті апат» деп бағалап отыр, деп хабарлайды Sadaq.kz.
Кей өңірлерде қардың қалыңдығы 40 сантиметрге жетті. Табиғат апаты салдарынан мыңдаған әуе рейстері тоқтатылып, федералды тас жолдарда көлік қозғалысы шектелді.
Қатты жел мен қалың қар электр желілерін үзіп, миллиондаған үй жарықсыз қалды. Мұндай аязға бейімделмеген оңтүстік штаттарда төтенше жағдай режимі жарияланды.
Синоптиктердің болжамынша, алдағы күндері ауа температурасы тағы төмендеп, рекордтық көрсеткіштерге жетуі мүмкін. Билік тұрғындарға үйден шықпауға кеңес берді.
Сіздің реакцияңыз қандай?
Ұнады
0
Ұнамады
0
Керемет
0
Күлкілі
0
Сұмдық
0
Қайғылы
0
Жарайсың
0
