«Асыға күтемін»: Шавкат Рахмоновтан жеңілген файтер қазақша сөйлеп кетті

Шавкат Рахмоновтан жеңілген файтер Иэн Гэрри әлеуметтік желіде қазақша жазба жариялады.  

«Сізді және талантыңызды құрметтеуден басқа ештеңем жоқ. Құттықтаймын, мен сізді қайта көретін уақытты асыға күтемін – сіз де, мен де кімнің қауіптірек жауынгер екенін жақсы білеміз», – деп жазған Гэрри әлеуметтік желіде.  

Жұрт Иэн Гэрридің бұл жазбасын құттықтау деп қабылдап жатыр. Алайда кейбір сарапшылар жазбаның астарында шын мәнінде сес жатқанын айтады. Лас-Вегаста өткен UFC 310 турнирінде Шавкат Рахмонов өзінің 19-жеңісіне қол жеткізген еді.  

Бес раундқа созылған рейтингтік жекпе-жекте Шавкат Рахмонов төрешілер шешімімен жеңіске жетті.  

Тағы бір айта кетерлігі, Бұл Гэрри мансабындағы алғашқы сәтсіздік. Оған дейінгі 15 шайқастың барлығында да жеңіске жеткен еді.