Астана маңында ұшақ құлап, екі адам қаза тапты
Астана маңындағы Жоламан әуеайлағында жеңілмоторлы ұшақ құлап, екі адам қаза тапты, деп жазады Sadaq.kz.
Оқиға 22 маусым күні 11:30 шамасында болған.
“Оқу-жаттығу барысында TL-2000 жеңіл моторлы ұшағы апатқа ұшырады. Бұл ұшақ жеке тұлғаға тиесілі. Алдын-ала мәліметке сәйкес бортта екі экипаж мүшесі болған. Экипаж мүшелері қайтыс болды”, – делінген көлік министрлігінің хабарламасында.
Оқиғаны тергеп-тексеру үшін қолданыстағы ережеге сәйкес авиациялық оқиғалар мен инциденттер жөніндегі арнайы комиссия құрылады.
“Көлік министрлігіне қарасты көліктегі оқиғалар мен инциденттерді тергеу департаменті қызметкерлері апат орнына барады”, – деп қосты министрліктің баспасөз қызметі.
Сіздің реакцияңыз қандай?
Ұнады
0
Ұнамады
0
Керемет
0
Күлкілі
0
Сұмдық
0
Қайғылы
0
Жарайсың
0
