Атыраудағы қайғылы оқиғадан кейін: Ақбаян Мұқанғалиева балаларымен кездесті
Атырау облысында қайғылы оқиғадан кейін психикалық денсаулық орталығында ем қабылдаған Ақбаян Мұқанғалиеваның балаларымен кездескен сәті түсірілген видео әлеуметтік желіде тарады.
Кадрларда Ақбаянның жасөспірімдерді бейімдеу орталығында тұрып жатқан балаларымен сағына қауышқаны көрінеді. Ол балаларын құшақтап, бірге уақыт өткізген.
Бұған дейін Ақбаян Мұқанғалиеваның тамыз айында психикалық денсаулық орталығынан шыққаны және содан кейін балаларымен кездескені хабарланған болатын. Қазір әйел туыстарының қарауында.
Жақындарының сөзінше, балаларымен араласуы Ақбаянның эмоционалдық жағдайына оң әсер етіп, психологиялық тұрғыдан қалпына келуіне көмектесуі мүмкін.
Туыстары оның оңалуына қажетті жағдай жасап жатыр. Олар Ақбаянның біртіндеп қалпына келіп, болашақта балаларымен бірге қалыпты өмірге оралуынан үмітті.
Сіздің реакцияңыз қандай?
Ұнады
0
Ұнамады
0
Керемет
0
Күлкілі
0
Сұмдық
0
Қайғылы
0
Жарайсың
0
