Грузияның бұрынғы президенті Михаил Саакашвили бірнеше жылға сотталды

Тбилиси қалалық соты Грузияның бұрынғы президенті Михаил Саакашвилиді 9 жылға бас бостандығынан айырды, деп хабарлайды sadaq.kz. 

Ол мемлекеттік қаражатты талан-таражға салғаны үшін кінәлі деп танылды.

Айыптау нұсқасына сәйкес, 2009-2012 жылдары Саакашвили Грузия Мемлекеттік күзет қызметінің 9 миллион лари (шамамен 3 миллион доллар) қаржысын жеке мақсаттарына жұмсаған.

Тергеу мәліметінше, бұл қаражат қымбат киім, ұлының оқуы, жеке көліктерді жалға алу, косметикалық процедуралар, сондай-ақ кеудемен салынған картинаны сатып алу секілді шығындарға жұмсалған.

Mtavari.tv хабарлағандай, бұл іс бойынша Мемлекеттік күзет қызметінің бұрынғы басшысы Теймураз Джанашия да жауапқа тартылып, 300 мың лари (шамамен 110 мың доллар) көлемінде айыппұл төлеуге міндеттелді.

Михаил Саакашвили өз кінәсін мойындаған жоқ және сот процесіне қатыспады. Грузияның пенитенциарлық қызметі оның денсаулығына байланысты онлайн тыңдауға қатысудан бас тартқанын хабарлады. Джанашия да сот отырысында болмаған.

Қазіргі таңда Саакашвили басқа екі қылмыстық іс бойынша 6 жылдық түрме жазасын өтеп жатыр. Жаңа сот үкімі осы мерзімге қосылатын болады.