«Кәсіпкерлердің қылығы үшін мен ұялдым»: Баян Мақсатқызы 2007 жылы өткен кешті есіне алды

Продюсер әрі тележүргізуші Баян Мақсатқызы әлеуметтік желідегі парақшасында өміріндегі маңызды сәттердің бірі туралы естелігімен бөлісті, деп хабарлайды sadaq.kz.

"Алматыда өткен алғашқы Вена балы. Ол кезде мен 36 жаста едім, жас әрі сұлумын. Менімен бірге кеш жүргізген әріптесім – Святослав Бэлза. Кеш өте жағымды өтті, тек масайып алған кейбір бизнесмендер болмаса… Олар сондай күйі үшін тіпті мен ұялдым. Бірақ бұл бүгінгі жазбаның негізгі мәні емес. Ол кезде мен өз бағдарламамның авторы әрі жүргізушісі ретінде мүмкіндікті пайдаланып, Святославты келесі күні тікелей эфирге қонаққа шақырдым. Ол элегантты, тіпті керемет күйде келді", - деді ол. 

Тележүргізуші сол эфирден кейін күтпеген ұсыныс түскенін де жасырмады. «Қарапайым эфир өтті, бір сағатқа созылған жағымды әңгіме болды, тіпті не туралы сөйлескеніміз де есімде жоқ. Эфир аяқталған соң Святослав кенеттен:

“Сіз Мәскеуге көшуді ойламайсыз ба? Мен сізді «Культура» арнасына жұмысқа шақырамын. Сіздің сөзіңіз, дикцияңыз керемет, сіз тамаша жүргізушісіз әрі, әрине, сұлусыз. Көрерменнің сүйіспеншілігіне тез бөленетініңізге сенімдімін. Пәтерді арна есебінен жалдаймыз, жалақы – үш мың доллар”, – деді. Міне, осылайша ұсынысын жайып салды…", - деп жазды Баян Мақсатқызы. 

Алайда Баян Мақсатқызы бұл ұсынысқа іштей дайын жауаппен барғанын айтты.

"Ол сөйлеп тұрған сәтте-ақ мен жауабым ЖОҚ болды. Мен әрдайым білдім және қазір де білемін: менің орным – Отанымда. Мен осы жерде өз жолыммен келе жатырмын. Бұл жол – қызықты, мазмұнды, оқиғаларға, жобаларға, адамдарға бай. Мен – бақытты адаммын, мен – шығармашылықпен айналысамын! Қазір ойым – жаңа жобаларда, биікте, әсемдікте, музыкада", - деп түйіндеді ол.