Қазақстан халқының саны 20,6 миллионнан асты
Ұлттық статистика бюросы 2026 жылғы 1 тамыздағы жағдай бойынша Қазақстан халқының саны туралы деректерді жариялады, деп хабарлайды Sadaq.kz.
Ресми дерекке сәйкес, 2026 жылғы 1 тамыздағы жағдай бойынша ел халқының саны 20 604 819 адамға жетті. Ал 1 шілдеде бұл көрсеткіш 20 590 589 адам болған. Жыл басынан бергі жалпы өсім 104 997 адамды құрады.
Елдегі ең тығыз қоныстанған өңірлер бұрынғысынша Алматы және Түркістан облысы: мұнда тиісінше 2 379 793 және 2 144 993 адам тұрады.
Тұрғындарының саны миллионнан асатын қалалар мен облыстар:
- Астана – 1 690 605 адам;
- Алматы облысы – 1 614 234 адам;
- Шымкент – 1 313 348 адам;
- Жамбыл облысы – 1 211 705 адам;
- Қарағанды облысы – 1 130 313 адам.
Бұл ретте елордада халық өсімінің ең жоғары қарқыны байқалады – 3,14 пайыз. Салыстыру үшін: 1 шілдеде Астанада 1 682 721 адам тұрған еді. Осылайша, бір ай ішінде еліміздің бас қаласында 8 мыңға жуық жаңа тұрғын пайда болды. Алдағы екі айда Астана халқының саны 1 700 000 адамдық межеден асуы мүмкін.
Ал еліміздегі ең аз қоныстанған өңірлер:
- Ұлытау облысы – 217 670 адам;
- Солтүстік Қазақстан облысы – 511 455 адам;
- Абай облысы – 591 903 адам.
Сіздің реакцияңыз қандай?
Ұнады
0
Ұнамады
0
Керемет
0
Күлкілі
0
Сұмдық
0
Қайғылы
0
Жарайсың
0
