Көңіл жібітетін көрініс: Зеленскийдің қарапайымдылығы әлем жұртын таңқалдырды

Украина президенті Владимир Зеленскийдің Чехия Парламентінің Төменгі палатасына жасаған сапары барысында жүрек толқытатын сәт болды.

Тығыз жұмыс кестесіне қарамастан, Зеленский төменгі палатада еден жуушы болып жұмыс істейтін бірнеше украиналық әйелмен суретке түсуге уақыт тапқан, деп жазады Alash.kz.

Олар ресми келіссөздерге келе жатқан президентті көрші бөлмеден, әйнек арқылы сырттай бақылап тұрған еді.

«Владимир Зеленскийдің командасы әйелдердің әйнектің ар жағынан қызыға қарап тұрғанын байқап, оларды суретке түсуге шақырды. Украина президенті Чехияда жұмыс істеп жүрген, өз елінің намысын қорғап жүрген жерлестеріне – маңызды қызмет атқарып жүрген – әйелдерге уақыт тапты», – деп жазды бұл суретке қатысты Чехия Парламентінің Төменгі палатасы төрағасының орынбасары Ольга Рихтерова X (бұрынғы Twitter) әлеуметтік желісіндегі парақшасында.

Рихтерова, Төменгі палатаның басқа да орынбасарлары және палата төрайымы Маркета Пекарова Адамова (TOP 09) дүйсенбі күні өткен отырыста Зеленскиймен кездесті.

Украина президенті жұбайы Елена Зеленскаямен бірге жексенбіден бастап Чехия Республикасына ресми сапармен келген.

Сапар аясында Зеленский тек депутаттармен ғана емес, Чехия президенті Петр Павелмен, премьер-министр Петр Фиаламен (ODS), Сенат төрағасы Милош Выстрчилмен және Чехиядағы украин диаспорасының өкілдерімен де кездесті.