НАТО Ресейге қатаң ескерту жасады
Ұйымның Бас хатшысы Марк Рюттенің сөзінше, ядролық қарудың салдары қатты болады. Ол Брюссельде өткен баспасөз мәслихатында Ресей мен Беларусьтің бірлескен ядролық оқу-жаттығуларына қатысты пікір білдірді, деп хабарлайды Sadaq.kz сайты inbusiness.kz-ке сілтеме жасап.
"Егер Мәскеу ядролық қару қолданса, оның салдары өте ауыр болады", – деді ол.
Рюттенің сөзінше, НАТО қазіргі жағдайды жіті бақылап отыр. Ол Ресейдің ядролық риторикасы Еуропадағы қауіпсіздік ахуалын одан әрі ушықтырып жатқанын атап өтті.
Осыған дейін Беларусь аумағында тактикалық ядролық қаруды қолдануға дайындық бойынша әскери жаттығулар басталғаны хабарланған. Артынша Ресей де өз ядролық күштерінің дайындығын тексеруге бағытталған оқу-жаттығу өткізетінін мәлімдеді.
Бұл мәлімдемелер Мәскеу мен Батыс арасындағы текетірестің жаңа кезеңге өткенін көрсетеді. НАТО басшылығы Ресейдің ядролық қысым арқылы альянсты қорқыту әрекеті нәтиже бермейтінін ашық аңғартуда.
Рюттенің пікірінше, Украинадағы соғыс тек бір елдің мәселесі емес, бүкіл Еуропаның қауіпсіздігіне әсер ететін факторға айналған.
Соңғы айларда НАТО елдері қорғаныс шығындарын көбейтіп, Шығыс Еуропадағы әскери инфрақұрылымды күшейтуге кірісті.
Сіздің реакцияңыз қандай?
Ұнады
0
Ұнамады
0
Керемет
0
Күлкілі
0
Сұмдық
0
Қайғылы
0
Жарайсың
0
