Тоқаев сыртқы саясат тұжырымдамасынан Назарбаевқа қатысты норманы алып тастады

Президент Қасым-Жомарт Тоқаев Қазақстанның 2020-2030 жылдарға арналған сыртқы саясат тұжырымдамасынан экс-президент Нұрсұлтан Назарбаевтың Қазақстан халқына сыртқы саясат мәселелері бойынша бастамалармен өмір бойы жүгіну құқығын алып тастады.

Қазақстан президенті Қасым-Жомарт Тоқаев өзгеріс енгізу туралы жарлыққа 2026 жылдың 14 тамызында қол қойды. "7-тараудың 1-тармағы алынып тасталсын", - делінген жарлықта. 

Нұрсұлтан Назарбаевтың жоғарыда аталған құқығы дәл осы тармақта қамтылған болатын. Сонымен қатар, тұжырымдама мәтіні жаңа Конституцияға сәйкес келтірілді.

Атап айтқанда, "азамат" ұғымы "Қазақстан Республикасының азаматы" ұғымына өзгертілді, "Тәуелсіздік" және "Егемендік" сөздері бас әріппен жазылды, ал "Парламент" сөзі "Құрылтайға" ауыстырылды.

Қазақстанның Тұңғыш президенті туралы заң 2023 жылғы ақпанда күшін жойды.