Түркия президенті Ердоған елдегі жаппай наразылықтарға қатысты мәлімдеме жасады

Түркия президенті Режеп Тайып Ердоған Ыстамбұл мэрінің қамауға алынуына байланысты елдегі жаппай наразылықтардан кейін алғашқы мәлімдемесін жасады. Өз мәлімдемесінде Ердоған оппозициялық партияның полиция мен сот жүйесіне саяси қысым көрсетіп жатқанын айтқан. 

"Жеке біздің, Әділет және даму партиясының (Ak Parti) дауласуға уақыт жоқ. Біз тек өз ісімізге, мәселелерді шешуге және мақсаттарымызға назар аударамыз. Оппозиция өздерінің ішкі тартыстары немесе заң мәселелерін елдің ең маңызды мәселесі ретінде көрсетуде", - деді Ердоған. 

Бұл наразылықтар Стамбул мэрі Экрем Имамоғлуның қамауға алынуына байланысты басталған. Имамоғлу – Ердоғанның басты саяси қарсыласы саналады. Наразылық шерулері Ыстамбұл, Анкара, Измир секілді үлкен қалалармен қатар Трабзон, Адана, Анталия, Кония, Күтахя, Сакария сияқты елдің басқа қалаларында басталған. Шерушілер үкімет пен президент Ердоғанның отставкаға кетуін талап етуде. 

Стамбулда төрт күндік митингке тыйым салынғанына қарамастан, наразылықтар әлі де жалғасуда. Түнде мыңдаған адам қала мэриясының алдына жиналып, Имамоғлуның қамауға алынуына қарсылық білдірді.

Полиция өткен түні Анкарада Таксим алаңына өтпек болған жастарды тоқтатып, студенттерді тарату үшін көзден жас ағызатын газ қолданғаны белгілі болып отыр. 

Имамоғлу сыбайлас жемқорлық пен парақорлыққа қатысты іс бойынша 19 наурызда қамауға алынды. Ол және оның жақтастары 4 күн бойы полицияда қамауда болады. Бұған байланысты Стамбулда жолдар жабылып, кейбір метро желілері тоқтатылды.