Президент көлік құралдарына арналған салықты толығымен жоюға тапсырма берді
Соны қарастыратын тиісті жарлыққа қол қойды.
Қырғызстан президенті Садыр Жапаров елде көлік құралдарынан салық алынбайтынын айтты, деп хабарлайды sadaq.kz сайты 24.kg порталына сілтеме жасап.
Сөзінше, тиісті шешім елде "Жол қоры туралы" заңға әр литр отыннан 1 сом жинауды көздейтін өзгерістер күшіне енгендігімен байланысты.
"Мен көлік салығын алып тастауды тапсырдым және тиісті жарлыққа қол қойдым. Енді көлік құралдарынан салық алынбайды, оның орнына 1 қаңтардан бастап автомобильге құйылған бензиннің немесе дизельдің әр литрінен 1 сома алынады. 2025 жылдың 1 қаңтарына дейін автокөлік салығын төлемеген азаматтарға рақымшылық жариялауды тапсырдым", - деп жазды Қырғызстан басшысы Facebook парақшасында.
Сіздің реакцияңыз қандай?
