Ақмола облысында 8 вагон рельстен шығып аударылып қалды
Ақмола облысында 8 вагон рельстен шығып, аударылып қалды.
"Қазақстан темір жолы" ҰК" АҚ баспасөз қызметінің мәлімдеуінше, апат 6 қараша күні сағат 17:53-те Макинка станциясындағы "Бота 2015" ЖШС-нің кірме жолында болған. Рапс майы тиелген 12 вагон өздігінен жүріп кетіп, оның 8-і аударылған.
Маневрлік жұмыстарға тартылған локомотив жеке компанияға тиесілі, локомотив бригадасы да сол ұйымның қызметкерлері екен.
"Оқиға салдарынан байланыс желісінің құрылғылары зақымданды. Зардап шеккендер жоқ. Пойыздардың қозғалысында кідірістер бар", - деп хабарлады компания.
Апаттың салдарын жою және инфрақұрылымды қалпына келтіру үшін "Қазақстан темір жолы" ҰК" АҚ-тың апаттық және қалпына келтіру пойыздары жіберілді.
Арада жарты сағат өткеннен кейін ҚТЖ оқиға салдары жедел жойылып, қозғалыс қалпына келтірілгенін хабарлады.
Сіздің реакцияңыз қандай?
Ұнады
0
Ұнамады
0
Керемет
0
Күлкілі
0
Сұмдық
0
Қайғылы
0
Жарайсың
0
