«Алты адам зардап шекті»: Алматы маңында пойыз бен автобус соқтығысты
Алматы–Боралдай бағытындағы теміржол өткелінде пойыз бен жолаушылар автобусы соқтығысты, деп хабарлайды Sadaq.kz.
Жол-көлік оқиғасы салдарынан алты адам зардап шегіп, ауруханаға жеткізілді. Алматы облысының полиция департаментінің мәліметінше, төтенше жағдай 30 наурыз күні кешке Алматы – Боралдай – Шамалған станциясы автожолындағы теміржол өткелінде болған.
«Алдын ала мәліметтер бойынша, көмір станциясынан келе жатқан пойыз өткел арқылы қозғалыс жасаған. Маршруттық автобустың жүргізушісі жол бермей, соқтығысуға жол берген. Жол-көлік оқиғасы салдарынан түрлі жарақат алған алты адам медициналық мекемеге жеткізілді», – деп хабарлады полициядан.
Апатқа жол берген маршруттық автобустың жүргізушісі кінәлі деп танылып, әкімшілік жауапкершілікке тартылды. Қазір оқиғаның мән-жайы тексеріліп жатыр.
Сіздің реакцияңыз қандай?
Ұнады
0
Ұнамады
0
Керемет
0
Күлкілі
0
Сұмдық
0
Қайғылы
0
Жарайсың
0
