Бақсы-балгерлер жаппай айыппұл арқалап, міндетті жұмысқа жегіліп жатыр
Енді көріпкелдер мен бақсы-балгерлер, оккульттік қызметтердің өзге де түрлерімен айналысатындарға ірі айыппұл салынады. Бұл туралы Тәжікстан президентінің баспасөз қызметі жазды, деп хабарлайды Azattyq Rýhy Trt-ға сілтеме жасап.
ІІМ қызметкерлері елде тексеру жүргізіп, 1,5 мыңға жуық балгерді ұстаған. Сонымен қоса, мамыр айынан бастап 5 мыңға жуық «білімсіз молда» да қолға түскен.
Ұсталғандардың барлығы арнайы есепке алынған. Аталған қызметпен айналысқан адамдарға $270 - $340 аралығында айыппұл салынбақ, егер қайталап заң бұзса, бұл сома $680-ға дейін өседі. Елдегі орташа жалақының $70 екенін ескерсек, айыппұлдың мөлшері айтарлықтай көп.
Елде сиқыр мен сәуегейлікпен айналысып жүргендерді алты айға дейін міндетті жұмысқа жегу мәселесі қарастырылып жатыр.
Сіздің реакцияңыз қандай?
Ұнады
0
Ұнамады
0
Керемет
0
Күлкілі
0
Сұмдық
0
Қайғылы
0
Жарайсың
0
