Қытай Орталық Азия елдеріне 210 млн доллар көлемінде өтеусіз грант береді

Қытай Орталық Азия елдеріне 1,5 миллиард юань көлемінде өтеусіз грант беруге дайын. Бұл туралы "Орталық Азия-Қытай" саммитінде Қытай төрағасы Си Цзиньпин айтты, деп хабарлайды Sadaq.kz.

Бұл ақшаны теңгеге шаққанда 108,3 млрд, долларға шаққанда 210 млн болады.

"Қаржы халықтың әл-ауқатын жақсартуға және олардың жеке дамуына ықпал ететін маңызды жобаларды қолдауға жұмсалады", -деді Си Цзиньпин.

Ол сондай-ақ ҚХР Орталық Азия елдеріне алдағы екі жылда кәсіби дайындық курстарына қатысу үшін 3000 квота беруді көздеп отырғанын айтты.