«Нөгербековке ұқсай ма?»: Жаңа адамдар қоқыстан ерекше портрет жасады (ВИДЕО)

Жаңа адамдардың AntiTrash азаматтық науқаны рұқсат етілмеген қоқыс үйінділерімен күресуді жалғастырады, деп жазады sadaq.kz.

Белсенділер кезекті рейд барысында Астананың Есіл ауданынан ірі қоқыс алаңдарының бірін анықтаған. Жергілікті тұрғындардың айтуынша, қоқыс орны бір жылдан астам уақыттан бері жиналмай жатыр. Әкімдік бірнеше рет уәде берген. Алайда соған қарамастан қоқыс шығарылмай, тау болып жиналып қалған. 

2024 жылдың басынан бері астанада 221 заңсыз қоқыс алаңы анықталды. Есіл ауданындағыдай, олардың кейбірімен жұмыс 2028 жылға қарай жоспарлануда. Демек, жақын маңда орналасқан «Capital Park» тұрғын үй кешенінің тұрғындары кемінде үш жыл қоқыс жанында тұратын болады.

Жаңа адамдар осы аумақтың санитарлық жағдайына жауапты Есіл ауданы әкімінің орынбасары Мадияр Нөгербековке жүгінді. Белсенділер тұрғындардың назарын аудару үшін қоқыс үйіндісі аумағындағы қоқыстардан арт-инсталляцияны – әкім орынбасарының портретін жасады.

«Астаналықтар сізді қоқыс алаңымен еске алғанын қаламайтыныңызды және заңсыз үйіндіні жою үшін нақты шаралар қабылдайтыныңызға сенімдіміз», - деді жоба көшбасшысы Бауыржан Аманов.

Соңғы кездері Астанада рұқсат етілмеген қоқыс алаңдары мәселесі қоғамдық қысыммен ғана шешімін табуда. AntiTrash азаматтық науқаны жауаптыларды қоқыстан портреттері пайда болуын күтпей, қазақстандықтардың терезелері алдындағы қоқыс үйінділерін жою бойынша өз міндеттемелерін алдын ала орындауға шақырады.