«Осымен экономикамыз аяқталған сияқты»: Украина КТК мұнай құбырын істен шығарды

Бұған дейін "Кавказская" мұнай айдау станциясы дымы қалмай жанып кеткен болса енді кезек Кропоткинская станциясына келіпті.

Украин дрондары кеше кешке таман станцияны жарып жіберген. Ал бұл Қазақстан мұнай экспортының негізгі көзі!

"Украина Қазақстанның РФ-ның санкцияны айналып өтуіне жағдай жасап отырғанына ұзақ шыдады дейді украиндық сарапшы Александр Кушнарь - қашаңғы шыдауға болады, енді алаңдайтын ештеңе де қалған жоқ, жетер"!

Расында да Қытай жүк машиналары Қазақстан жерінен Ресей жаққа ағылып жатқанын көргендер, видеоға түсіргендер жеткілікті. Әшейінде аяқ басқан сайын жүргізбейтін МАИ мұндайда үндемей қалатыны қызық. Өзбек пен қырғыздың көкөніс тасығандарын ұстағанша осыларды ұстамай ма, хаттама толтырып әрі-бері сүйремей ме? Еуропаға Қазақстанда жасалған деп этикетка жапсырып алған РФ тауарларын тасыған қаншама видео көрдік осында. Біз көргенді украиндар көрмей отыр деп кім айтты? Сауап болған.

Сонымен... КТК мұнай экспорты ұзақ уақытқа тоқтады. Станцияны қалпына келтіргенше. Бұрын Украина АҚШ мұнайы деген соң қаймығатын еді, енді Трамптың өзі лақтырып кеткен соң неден қаймығады? Оларға енді бәрібір емес пе? Станцияны қалпына келтірсе украиндар сол соққыны қайталамасына кім кепіл? Осымен біздің экономикамыз аяқталған сияқты.

Сарапшы Қуаныш Еділхантегінің facebook парақшасынан