Павлодардағы ЖЭО-да жұмысшы қаза тапты
Қазіргі уақытта оқиғаның мән-жайы анықталуда.
Павлодардағы ЖЭО-2 станциясында жұмысшы қайтыс болды, деп хабарлайды Dalanews.kz.
Қайғылы жағдай 23 қыркүйекте болған. Жедел жәрдем қызметкерлері шақыртудан кейін 9 минутта жеткенімен, 33 жастағы мердігер ұйым қызметкерінің өмірін құтқару мүмкін болмады – ол дәрігерлер келмей жатып жан тапсырған.
"Павлодарэнерго" АҚ-на қарасты ЖЭО-2-де ауа қыздырғыш кубтарын шығару жұмыстары кезінде мердігер ИП қызметкерлерімен бірге болған оқиға салдарынан төртінші дәрежелі дәнекерлеуші алған жарақатынан сол жерде қаза тапты", – деп хабарлады облыстық еңбек инспекциясы комитетінің департаменті.
Қазір еңбек инспекторлары тексеріс тағайындады. Жұмысшының жарақатты қандай жағдайда алғаны әзірге белгісіз.
Сіздің реакцияңыз қандай?
