«Мұқағали, Қасым да, Иса Байзақов та еленбеген«»: Шәмшінің архиві табылды

Қазақ вальсінің падишасы атанған Шәмші Қалдаяқов туралы мұрағат видеолар табылды, - деп жазады Sadaq.kz ақпарат порталы. Сазгердің халық арасында танылған «Менің Қазақстаным» туындысы 2005 жылдан бастап Қазақстан Республикасының Мемлекеттік әнұраны болып бекітілді.

«Менің Қазақстанымның» сөзін жазған Жұмекен Нәжімеденов еді. Бұл ән орысша айтқанда «борьба с хрущевизмом» болды. Ол кезде қазақ жерін 5 облысты Целинный крайға бөліп алып қойған. Сол кездері «Менің Қазақстаным» туындысы радиодан күніне 2-3 реттен беріліп отырды», - дейді архив видеода композитор.

Тағы оқыңыз: «Пьесада Шәмшіні сығандар тепкілеп, қамшымен ұрады»: Сазгердің балалары елдегі бірнеше театрмен соттаспақ

Шәмші Қалдаяқов Мұқағали Мақатаев туралы да естелік айтқан.

«Мұқағали Мақатаев туралы аянышты жағдайлар көп. Оны біреу білер, біреу білмейді. Мұқағали мұндай жақсылықтың бірін де көрген емес. Жалғыз Мұқағали емес, Қасым Аманжолов та, Иса Байзақов та еленбеген. Маған көзімнің тірісінде мектептің, училищенің аты беріліп жатыр. Көп рахмет!», - деп көзіне жас алған.