Жетісайдағы өрт: Президент қаза тапқандардың отбасыларына көңіл айтып, тергеу жүргізуді тапсырды

Президент Қасым-Жомарт Тоқаев Түркістан облысы Жетісай ауданындағы жеке үйде болған өрттің салдарынан көптеген адамның қаза табуына байланысты көңіл айтты, деп хабарлайды Ақорда.

Үкімет пен Түркістан облысының әкіміне зардап шеккен азаматтардың туған-туыстарына барлық қажетті көмек көрсетіп, қайғылы оқиғаны жан-жақты тексеруді тапсырды.

Еске салайық, бұған дейін Түркістан облысында екі қабатты үй өртеніп, 12 адам қаза болғаны хабарланды.