Башар Асад Сириядан 200 тонна алтын, 15 млрд алып кеткен

Желтоқсан 10, 2024 - 17:11

Желтоқсан 10, 2024 - 17:58

Башар Асад Сириядан 200 тонна алтын, 15 млрд алып кеткен

Фото: russian.rt

Ресейді паналаған Башар Асадтың Мәскеуде 20-ға жуық пәтері бар. Бұл туралы Global Witness халықаралық қауымдастығы хабарлады.

Қауымдастықтың мәліметінше, Башар Асадтың туыстары «Мәскеу-Сити» кешенінен 20-дан астам элиталық пәтер иеленген.

Асадтың ағасы Мұхаммед Махлуфтың отбасы 2013 жылдан бері «Мәскеу-Сити» кешенінен жылжымайтын мүлік сатып алумен айналысқан. Құжаттарға сәйкес, бұл пәтерлердің жалпы құны шамамен 40 миллион долларға бағаланады. 13 нысан президенттің немере ағасы Хафиз Махлуфқа немесе оған тиесілі компанияларға тіркелген. Басқа бірнеше пәтер Рами Махлуф және оның туыстарының атына рәсімделген.

Бұл жылжымайтын мүлік халықаралық санкциялар тізімінде тұрған тұлғалардың сәнді өмір сүріп жатқанын көрсетеді. Global Witness өкілдері бұл мәліметтерді Ресейдің сириялық режимді қолдау жолдарының бірі деп санайды.

Рами Махлуф, Башар Асадтың немере ағасы, ұзақ уақыт бойы Сирияның ең бай адамы ретінде танылды. Ол Syriatel телекоммуникация компаниясының иесі. Алайда, 2011 жылы оған қарсы Еуроодақ санкция енгізіп, оны халыққа қарсы зорлық-зомбылықты қолдаған режимді қаржыландырды деп айыптады.

Башар Асад өзіне дейінгі Асқар Ақаев сияқты Мәскеуді байытты. Башар Асад Мәскеуге 200 тонна алтынмен және 15 миллиард доллар мен 6 миллиард еуро көлеміндегі қолма-қол ақшамен келді. Бұл Сауд Арабиясы сарапшылары мен британдық M16 құпия қызметінің деректері. Канал 13 арнасының мәлімдеуінше, Башар Асад пен оның отбасы Сириядан Мәскеуге Сирия бюджетіне тең соманы 7 жылға шығарып үлгерген. Бір қызығы, «Kanal 13» бұл орайда дәл осылай 2005 жылы Канттағы Ресей әскери базасы арқылы Қырғызстаннан шығып, кейін де Қырғызстаннан алтын мен елдің бірнеше жылдық бюджетіне тең ақша ұрланған Асқар Акаевты атайды. Ақаев билігінің соңына қарай Құмтор компаниясы 300 тонна алтын өндіріп қойғанын, оның бір тоннасы да ел бюджетіне түспегенін еске сала кетейік, - деп жазды фейсбук қолданушысы Өмір Шыныбекұлы.

Еске сала кетейік, Сирияның көтерілісшіл күштері Дамаскідегі президент Башар Асадтың резиденциясын басып алып, оның гаражынан қымбат көліктердің коллекциясын тапты. Бұл туралы әлеуметтік желіде жарияланған бейнематериалдарда көрсетілген.