Атырау МӨЗ-дің бұрынғы басшысы қонақүйде қайтыс болды

Атырау МӨЗ-дің бұрынғы басшысы Мұрат Досмұратовтың қайтыс болғаны туралы ақпарат тарады. 

"Бүгін таңертең, сағат 10:00 шамасында Somerset қонақүйінде «ҚМГ Инжиниринг» ЖШС-нің мұнай өңдеу және мұнайхимия бойынша директоры Мұрат Досмұратов қайтыс болды", - деп хабарлады Azh.kz басылымы. 

Алдын ала мәліметтерге сәйкес, қайтыс болу себебі – жүрек талмасы. Қонақүй әкімшілері жедел жәрдем шақырған. Медицина қызметкерлері клиникалық өлім жағдайын анықтап, жансақтау шараларын жүргізген, алайда өмірін сақтап қалу мүмкін болмады.

Мұрат Досмұратов Қазақстанның мұнай-газ саласында бірқатар маңызды қызметтер атқарған еді. 2024 жылғы қарашада оған қызметтік міндеттерді тиісінше орындамады деп айып тағылған болатын, бірақ 2025 жылғы тамызда сот оны кінәсіз деп таныды.