Атырау тұрғыны өгей қызын зорлады деп айыпталды

Атырау тұрғынынан кәмелетке толмаған қызына азғындық әрекет жасалғаны туралы арыз түсіп, полиция қылмыстық іс қозғады, деп жазады saDaq.kz.

"Қазір аталған оқиғаның толық мән-жайын анықтау үшін жан-жақты және тиісті тергеу амалдары жүргізіліп жатыр. Тергеу мүддесі үшін өзге ақпарат жариялауға жатпайды. Ішкі істер органдары заң аясында тергеу амалдарына қатысушы барлық тұлғаның құқықтары мен тергеудің объективтілігін қамтамасыз етеді", — деп хабарлады облыстық полиция департаментінің баспасөз қызметі.

Алайда күдікті туралы мәліметті нақтыланбай отыр. Кейбір телеграм арнасындағы ақпаратқа қарағанда, күдікті жасөспірімнің өгей әкесі болуы мүмкін. 

Atyrau ONLINE Telegram-арнасында ер адам 5 жыл бойы 12 жастағы өгей қызына азғындық әрекеттерін жасағаны туралы ақпарат жарық көрді. Қыз бала 17 жасқа дейін тіс жармай келген, ақыр соңында бәрін әпкесіне айтуға батылы жеткен.

Telegram-арнаның мәліметінше, оқиға анасы үйде болмаған кездері қайталанып отырған. Ер адам қызды қорқытып-үркіткендіктен, ол осы уақытқа дейін қорқынышпен өмір сүрген.