Ақтаудағы ұшақ апатын дронмен түсірген блогер 10 күнге қамалды

Блогер Азамат Сәрсенбаев Ақтаудағы ұшақ апаты болған жерді дронмен видеоға түсіргені үшін 10 тәулікке әкімшілік қамауға алынды.

Маңғыстау облысы Түпқараған аудандық соты Сәрсенбаев құқық қорғау органы қызметкерінің заңды талабын орындамады деп айыптап, 10 тәулікке қамауға алу туралы шешім шығарды.

Оған Әкімшілік құқықбұзушылық туралы кодекстің 667-бабы "Билік өкілінің заңды талабына бағынбау" бойынша айып тағылды. Сот істің мән-жайын ескеріп, ең төменгі жазаны бергендерін айтады. 

Сот үкімі әлі заңды күшіне енген жоқ.